Regresu

Depués de dos selmanes n'Addis Abeba, a la fin regresemos a casa. Como taba previsto, marchemos dos y volvimos tres. Atrás queda un país que siempres va ser parte de la nuesa historia, y atrás queden tamién momentos bonos y momentos malos, hores pa remembrar y hores que vamos remembrar pero que quixéremos tamién escaecer.
De too ello queda la memoria y queden tamién imáxenes y notes al aldu que, namás que recobre'l pulsu del tiempu, intentaré organizar y plastificar pa consumu propiu y tamién pa que M., dalgún día, les conoza, si eso ye lo que quier.
Tamién dalgún poema. Y delles llecciones sobre la nobleza y la vileza.