¿Dalguna vez escribí sobre'l Coro? Nun m'alcuerdo. Pue ser qu'esta seya la primer vegada.El Coro ye'l Coro Minero de Turón. Venti y tantos homes del mio pueblu, mineros güei retiraos munchos d'ellos, ente ellos el mio pá, Ángel Rufino, más de trés décades cantando ensin otra promoción qu'una sonadía ganada a pulsu. Ye ún d'esos arguyos secretos qu'ún comparte poques veces.
Hai unes hores volví a velos y a escuchalos, depués de munchu tiempu, en Xixón. A dalgunos de los que güei son el Coro nun los conozo, y otros que conocí yá nun formen parte d'él, y hailos que yá nun formen parte de nada, pero en xunto ye lo mesmo. Ellí sentáu, oyéndolos cantar, volví a tener diez años, y alcordéme d'aquel repertoriu que sabía cásique de memoria, y emocionóme ver xubir al escenariu a Baldomero Pérez, el que yera'l director cuando yo yera nenu, cuando diba con ellos a velos actuar en tantes partes. Igual ye qu'esta tarde coincidíen delles circunstancies irrepetibles: yera la primer vegada que M. vía cantar al güelu, y Fidel, el director d'anguaño, acaba de ser pá, y naide nun esperaba ver a Baldomero dirixir depués de tantos años. Seya como quier, por eses o por otres razones, sentíme poseedor d'un tesoru. Como si tuviera un Coro sólo pa min. El míu. El Coro.
3 comentarios:
Esto del alemán ye un jaleo eh? A ver si lo cambias y pones algo más cercano, como el polaco, o algo así jajajaja.
Vaya emocionau que estoy con esto del Coro. Como bien sabes mi pa también estuvo muchos años, aunque como ye culu mal asientu (como el mi hermanu) pues marchó pal Ochote Principado con Baldo y ahora ta en el Ochote la Unión, coses de paisanos. Yo de guaje sabíales toes tamien.
Pero ahora en el pueblu la xente emociónase por coses como lo de Primal Fear, aunque en eso tengo yo tamién algo de culpa jeje
Un abrazu
Baldomero recuerdame al director de la banda de "tocando al viento"...
Foi la mio escuela de la nocturnidá y la vida en xeneral. Canté ellí dende los 16 hasta los 22 años... Tovía los echo de menos
Publicar un comentario