Spacemen 3 son dos cabeces pensantes y sonantes, les de Sonic Boom y Jason Pierce, aplicaes a crear un tipu de soníu imposible de clasificar y, poro, inviable pal gustu dominante na década de 1980, y nostante un tipu de soníu reclamáu, afaláu, reconstruíu una y otra vuelta dende’l punk sui generis de Wire hasta’l shoegazing de My Bloody Valentine. Playing With Fire, grabáu y editáu yá nes últimes vueltes de tuerca del grupu, ye la penúltima versión d’esi tapiz de distorsiones y amplificaciones xeneraes y vueltes a xenerar alredor d’una estructura rítmica y conceptual tan básica como la respiración, volcada al hedonismu y dispuesta en vertical. Les composiciones de Spacemen 3 son, efectivamente, columnes primero que caminos, y los ornamentos tímbricos, en cuenta d’apilase sobre un planu, orbiten alredor d’una exa, yá seya esta una columna de fumu (“How Does It Feel?”, “Come Down Softly To My Soul”), una cúpula (“I Believe It”, “Lord Can You Hear Me?”) o una torre d’alta tensión (“Revolution”, “Suicide”).
martes, 10 de febrero de 2009
Spacemen 3: "Playing With Fire" (1989)
Spacemen 3 son dos cabeces pensantes y sonantes, les de Sonic Boom y Jason Pierce, aplicaes a crear un tipu de soníu imposible de clasificar y, poro, inviable pal gustu dominante na década de 1980, y nostante un tipu de soníu reclamáu, afaláu, reconstruíu una y otra vuelta dende’l punk sui generis de Wire hasta’l shoegazing de My Bloody Valentine. Playing With Fire, grabáu y editáu yá nes últimes vueltes de tuerca del grupu, ye la penúltima versión d’esi tapiz de distorsiones y amplificaciones xeneraes y vueltes a xenerar alredor d’una estructura rítmica y conceptual tan básica como la respiración, volcada al hedonismu y dispuesta en vertical. Les composiciones de Spacemen 3 son, efectivamente, columnes primero que caminos, y los ornamentos tímbricos, en cuenta d’apilase sobre un planu, orbiten alredor d’una exa, yá seya esta una columna de fumu (“How Does It Feel?”, “Come Down Softly To My Soul”), una cúpula (“I Believe It”, “Lord Can You Hear Me?”) o una torre d’alta tensión (“Revolution”, “Suicide”).
Suscribirse a:
Enviar comentarios (Atom)
1 comentario:
Bueno Xandru, tas consiguiendo poneme señadordosu con estes coses qu'escribes estos díes, falando d'estos grupos. Taba acordándome agora creo que yera'l branu del 89 o del 90 y tocaben Spacemen 3 en Londres. Diba yo nel metro pal conciertu y dime cuenta que tenía sentaos al llau a Kevin Shields y Bilinda Butcher, que diben tamién a velos. Imaxina, con 18 años... flipélo too.
Nel conciertu, tocaron 2 veces Revolution, que yera claramente'l so himnu y foilo abondu tiempu. Una de les coses que más m'impresionó (yo que diba de pinín y ensin controlar los códigos de la "escena") ye que la xente xubía al escenariu nel bis y quedaba sentao coles piernes cruzaes moviendo la cabeza p'arriba y p'abaxo... como en trance. Creo que Jason tocaba sentáu y con pinta de perxudicáu, rollu Lou Reed nos sos tiempos más deterioraos, porque estos daben-y cosa fina, como se pue sacar de casi tolos sos temes.
Publicar un comentario