Dave Grohl, cabezaleru de los Foo Fighters, describió asina’l llugar onde s’alcuentra Paredes de Coura: “in the middle of nowhere”. L’asombru ta xustificáu. El pueblu ye pequeñu, el valle ye estrenchu, la carretera ye intratable. Con too y con eso, el festival de rock que se celebra ellí cada branu dende los años noventa yá ta consolidáu como’l más importante de Portugal.
Esti añu, el cartel nun yera nada del otru xueves. Reconozo que Franz Ferdinand dieron un conciertu d’esos que te dexen lliteralmente ablucáu, y nel mio casu llamenté muncho que nun me presten les sos canciones nin la so estética, porque n’escena son irreprochables. Tocante a Supergrass, una bandina tolerable, candial, de llevar en bolsu. La sorpresa d’esti añu: Blood Red Shoes, un dúu que suena como dos orquestes sinfóniques xuntes. Polo demás, conciertos flagrantemente insoportables, como’l de Peaches, o simplemente redundantes, como’l de The Pains Of Being Pure At Heart. Patrick Wolf, per un llau, y Jarvis Cocker, per otru, llevaben caún d’ellos el so propiu públicu. Ensin comentarios. Tocante a The Hives, depués de sufrilos el branu pasáu en Lisboa, nun díbemos reincidir nin por tol oru portugués d’ultramar. Ellí quedaron.
El platu fuerte, induldablemente, Nine Inch Nails. Venti años de carrera que Trent Reznor rentabilizó como naide nun conciertu irrepetible, a xulgar poles cróniques d’otres actuaciones suyes nesti “Wave Goodbye Tour”. Abrió con “Somewhat Damaged” y peslló con “Hurt”, y ente uno y otro brilló en momentos de fiereza (“Terrible Lie”, “Survivalism”, “The Hand That Feeds”) y llirismu claustrofóbicu (“Piggy”, “La Mer”), arropáu por una banda d’auténticos obreros del metal (el veteranu Robin Finck a la guitarra, más qu’un instrumentista, ye una prollongación de Reznor, depués de tantos años xuntos: hai ente ellos la mesma química qu’ente Bonnie y Clyde).
Cuesta dicilo. Llevamos diendo a esi festival dende 2005, y ellí tenemos visto actuaciones de bandera: de Morrissey a Sonic Youth, pasando pelos Foo Fighters o Nick Cave. Hebo años de bona música garantizao hores y hores. Pero nada comparable a esto.
4 comentarios:
Mamina, si yá en videu mete mieu, en vivo tuvo que ser épico. Vaya envidia sano lleendo esta entrada :)
(Y apuntaos queden los Blood Red Shoes pa futures escuches)
Con Franz Ferdinand lo tengo clarísimo: demasiada actitud y poca aptitud. Grupos que le ponen ganas hay muchos y algunos juegan en su misma liga. Supergrass sí que merecen la pena, son un revival de mitad de tabla muy disfrutable.
The pains of being... son los nuevos Pastels y sí, son una pijada pseudoadolescente. Yo los disfruto sin complejos. Con el tiempo ya veremos.
De Jarvis no sé qué pensar, los discos en solitario me están gustando pero todo el mundo los pone a caldo. No sé, sospecho que no es para tanto ni en un sentido ni en otro.
NIN habitan en un mundo diferente al mío pero siempre los disfruté en pequeñas dosis. De todas formas aprecio una cierta hipertrofia en forma de sobreproducción en las últimas grabaciones
VES: Blood Red Shoes, pa facete una idea, recuerden metá a Sonic Youth metá a Gang Of Four.
Víctor: Yo mesmu nun soi tan severu con Franz Ferdinand. Aptitúes véo-yosles. Lo único, que nun me conmueven. De los últimos discos de NIN, anque sé que nun son del to palu, yo recomendábate que-y pegares una escucha a Ghosts I-IV: too instrumental, una pasada.
queríamos ir a ver a Franz F pero cambiamos por Neil... a mi nun me disgusten... a Supergrass tengolos algo olvidaos... Jarvis tamien me gusta (disco 2000 ye una de les mis favorites de la época de Pulp: xente sin complejos, je je)... NIN... no sé... de toles maneres una cronica per guapa... como siempre
Publicar un comentario