L’oyíu del sieglu XXI va atopar bien de notes comunes ente The Zombies y otros grupos de la dómina como los Beach Boys, The Beatles o The Kinks. Acullá d’eses semeyances, promovíes por un claru interés melódicu y unos arreglos onde les harmoníes vocales son determinantes, vienen darréu les diferencies, y con elles la característica piquera de The Zombies, lo que convierte a esta banda na xoya de la corona psicodélica británica: l’equilibriu. Nun hai nada que disuene nes sos composiciones: nin los coros lleguen a facese densos por demás, nin les melodíes se resuelven en sensiblería, nin les humoraes apaecen endolcaes en trascendencia. Lo qu’hai son canciones modéliques, pieces d’artesanía cuasimente, como la esperanzada “Care Of Cell 44”, la cuasi doméstica “A Rose For Emily”, la onírica “Hung Up On A Dream”, la xuglaresca “Changes”, la emotiva “This Will Be Our Year” y, por supuestu, la conocidísima “Time Of The Season”, que los siguidores de Los Simpsons nun van poder sentir ensin sorrir a lo menos de raspión.
lunes, 22 de septiembre de 2008
The Zombies: "Odessey And Oracle" (1968)
L’oyíu del sieglu XXI va atopar bien de notes comunes ente The Zombies y otros grupos de la dómina como los Beach Boys, The Beatles o The Kinks. Acullá d’eses semeyances, promovíes por un claru interés melódicu y unos arreglos onde les harmoníes vocales son determinantes, vienen darréu les diferencies, y con elles la característica piquera de The Zombies, lo que convierte a esta banda na xoya de la corona psicodélica británica: l’equilibriu. Nun hai nada que disuene nes sos composiciones: nin los coros lleguen a facese densos por demás, nin les melodíes se resuelven en sensiblería, nin les humoraes apaecen endolcaes en trascendencia. Lo qu’hai son canciones modéliques, pieces d’artesanía cuasimente, como la esperanzada “Care Of Cell 44”, la cuasi doméstica “A Rose For Emily”, la onírica “Hung Up On A Dream”, la xuglaresca “Changes”, la emotiva “This Will Be Our Year” y, por supuestu, la conocidísima “Time Of The Season”, que los siguidores de Los Simpsons nun van poder sentir ensin sorrir a lo menos de raspión.
Suscribirse a:
Enviar comentarios (Atom)
3 comentarios:
nún discu tan "redondu" como ésti, esbillar canciones ye difícil, faenos siempre escaecer otres bonísimes...
pero, home, ¡nun menciones la que más me presta d'elles: "Girl, Help me"! :-)
un gran discu, pero tamién l'únicu que conozo, el "famosu" d'ellos. ¿dexaron la música o ye que otros nun son de tantu valir?
un abrazu
Tienes razón, ye dificilísimo esbillales, hai munches otres que mencionar, personalmente "Friends Of Mine" ye de les que más me presten. En cuanto a "Girl, Help Me", nun venía nel álbum orixinal, ye un "bonus" añedíu a la reedición en CD, bien añedíu, per otra parte.
Tocante al restu la obra de The Zombies, esti foi l'últimu álbum, y incluso cuando salió nos Estaos Xuníos yá'l grupu prácticamente nun esistía (la lleenda diz que foi Al Kooper el qu'atopó les cintes tiraes na basura, pero bueno, yá será menos). Enantes d'esti LP grabaron polo menos otru, anque en clave de recopilación de singles. Poro, l'únicu álbum como tal ye "Odessey And Oracle".
L'abrazu, recíprocu.
Es uno de mis discos favoritos sin duda. Mis preferidas son Beachwood Parks, Friends of mine, This will be our year y como no, Time of the season.
En el enorme disco de colaboración entre Matthew Sweet y Sussana Hoffman (que a sus casi 50 años sigue estando bien buena) hay una muy apreciable versión de 'Care of Cell 44'
Publicar un comentario