Nun tengo semeyes de la presentación, ayeri, de Les vides incompletes. Lo que sí tengo son toles pallabres d’agradecimientu del mundu pa Ismael Piñera, y non sólo por aceptar presentar el llibru a unes hores tan poco presentables (les doce del mediudía d’un sábadu, hai que jodese) sinón tamién polo muncho que deprendí d’él y de min mientres lu escuchaba. Un momentu inolvidable.Nel públicu, cares amigues, dalgunes d’elles tan amigues qu’hasta manca. Sigo pensando que tengo suerte. Muncha suerte.
Esta selmana marcho pa Zadar a facer l’indiu. Nunca nun tuvi en Croacia y, a dicir verdá, nunca nun pensé que diba dir. Tranco’l chigre unos díes, y la verdá ye que nun tengo mui claro si voi volver abrilu a la vuelta. Toi pensándolo. Nun ye que lo piense muncho, pero toi pensándolo.
En cualquier casu, sabéis cómo localizame.
2 comentarios:
Yo voto NON (pero ye verdá que yo nun voto, igual nun val.. nun sé). Nun tranques home, ello val, anque seya solo pa tomar dalgo los de casa… digo yo.
Pasáilo bien.
Home, polo menos podíes regalanos una crónica de les xornaes eses cuntándonos cómo foi l'acoyida y eses coses. Anque seya pa echar la dispidía.
¡Bon viaxe!
Publicar un comentario