El tercer álbum de Joan Armatrading, discretamente tituláu sólo col nome de l’autora, ye de tola so carrera’l que meyor resume’l pulsu de la so voz y el qu’axunta les diez canciones que meyor la definen. Empezando pela potente “Down To Zero” (col pedal steel de B.J. Cole) y incluyendo la esitosa “Love And Affection” (amás de balaes como “Save Me” y “Somebody Who Loves Me”, o exercicios d’estilu como “Tall In The Saddle”, “People” y “Lake Fire”), el discu val tamién de referencia pa entender l’almósfera d’interregnu de mediaos de los 70, cuando’l rock faraónicu taba a piques de cede-y el cetru radiofónicu al pop menos musculáu de la new wave, y col reggae y la música disco endolcando un panorama de poétiques superpuestes y estétiques bazcuyantes. Folk urbanu, rock mestizu o soul de cámara: nenguna etiqueta agota’l conteníu d’una gran obra.
miércoles, 10 de diciembre de 2008
Joan Armatrading: "Joan Armatrading" (1976)
El tercer álbum de Joan Armatrading, discretamente tituláu sólo col nome de l’autora, ye de tola so carrera’l que meyor resume’l pulsu de la so voz y el qu’axunta les diez canciones que meyor la definen. Empezando pela potente “Down To Zero” (col pedal steel de B.J. Cole) y incluyendo la esitosa “Love And Affection” (amás de balaes como “Save Me” y “Somebody Who Loves Me”, o exercicios d’estilu como “Tall In The Saddle”, “People” y “Lake Fire”), el discu val tamién de referencia pa entender l’almósfera d’interregnu de mediaos de los 70, cuando’l rock faraónicu taba a piques de cede-y el cetru radiofónicu al pop menos musculáu de la new wave, y col reggae y la música disco endolcando un panorama de poétiques superpuestes y estétiques bazcuyantes. Folk urbanu, rock mestizu o soul de cámara: nenguna etiqueta agota’l conteníu d’una gran obra.
Suscribirse a:
Enviar comentarios (Atom)
1 comentario:
Nun conozo a Joan Armatrading pero, en leyendo la to reseña del discu, entraronme ganes de sentilo. A ver si lo atopo pela rede. Si non, ya te pediré que me lo grabes... ...pa mercalo depués si me presta, por supuesto (esto ye por si ya lleendo dalguien de la SGAE).
Un abrazu, brother.
X.V.
Publicar un comentario