jueves, 5 de febrero de 2009

The Smiths: "Strangeways, Here We Come" (1987)

The Smiths acostina’l sambenitu de ser la banda que lliquidó’l punk. Error: The Smiths yera una estación inevitable na evolución de la música pop británica a partir del punk, y ye una banda (o grupu) tan difícil de separar d’esa evolución como The Replacements al otru llau del Atlánticu. Asina, pa ser una banda clásica (non progresiva nel aspectu tímbricu: la fórmula guitarra / baxu / batería domina percima del usu de los sintetizadores) y apegada al formatu canción, primen nella los rubatos y les producciones llimpies, como si’l rock esperimentara un saltu atrás, hasta los tiempos d’enantes de Dylan. Sicasí, la iconografía decadente del grupu, les sos evidentes aspiraciones artístiques y el dandismu de les lletres de Morrissey, sumaos al perversu amateurismu de les composiciones del guitarrista Johnny Marr, dan como resultáu una criatura impensable nel panorama anterior al punk. The Smiths son el non plus ultra del do it yourself.
Una de les bandes britániques más influyentes (si non la más) de los años ochenta, The Smiths nun ye una banda de grandes álbumes, sinón de grandes canciones. Dicho esto, cualquiera de los sos álbumes pue pasar la prueba del nueve, y cualquiera d’ellos ganaba la gloria si nun tuviera que competir con otres grabaciones suyes. Estrañamente, l’álbum más redondu de The Smiths ye pamidea’l que nun contién nengún de los sos clásicos archirradiaos (lléase “Panic”, “Bigmouth Strikes Again”, “This Charming Man”), tamién l’últimu en salir de les manes del tándem Morrissey / Marr xusto en víspores de la disolución de la banda. Strangeways, Here We Come son diez canciones de fechura pop, modelaes sobre’l spleen edwardianu qu’a Morrissey-y prestaba (y-y presta) representar, notes a pie de páxina del De Profundis d’Oscar Wilde. Entamando pela ansiosa “A Rush And A Push And The Land Is Ours” y finando pela cuasi agónica “I Won’t Share You”, l’escepticismu de Morrissey nunca nun sonó tan innegociable como en “Death Of A Disco Dancer” o “Last Night I Dreamt That Somebody Loved Me”.

4 comentarios:

Anónimo dijo...

Presta enforma lleer sobre The Smiths n'asturianu, anque se discrepe de delles partes del análisis.
Strangeways... nun sé si ye un discu más o menos malu, pero ye el menos "Smiths" de toos. Yo del únicu tema del que m'acordaba ye del Girlfriend in a Comma. Acuérdome que de la que salió comentábemos qu'ún de los cantares paecía de "Aha", foi una decepción, como un últimu productu innecesariu d'una lluz que va morriendo.
Tampoco puedo tar d'alcuerdu colo del "amateurismu" de Marr, pueden dicise munches coses de les sos guitarres pero nun sonaben nada amateur, y más teniendo en cuenta que nesi mesmu momentu taba a plenu rendimientu l'amateurismu indie que dio nel LP (o cinta) C-86, colo que The Smiths nun teníen nada que ver, anque compartieren fans, y que sí tenía abondo que ver con un desarrollu naive del punk.
Ye otra forma de velo...

Anónimo dijo...

Nunca nun foron una banda de la mio devoción sobre too porque me recordaben a dalgunos grupos de la insufrible movida madrilana (meyor dicho, dalgunos grupos de la movida madrilana sonaben a ellos)Pero too cambió cuando fui pa Inglaterra, ellí son míticos y Morrisey casi un dios. Siempre digo que cierta música hai qu'escuchala nel sitiu y nel momentu adecuau. N'England los Smiths suenen d'otra forma, ellí atopes la so esencia musical(daqué paecíu me pasó con Pulp)Y ellí descubrí al gran Johnny Marr, esi xeniu llen de maxia qu'entovía me prestaría más en The The (inolvidable en "The beat (en) generation", una de les canciones de la banda sonora de mio vida), o agora en Modest Mouse.
Pues nada, a cuidase:

http://www.youtube.com/watch?v=isUCQIvOplA

Roberto Pato dijo...

Paezme que yera sábado y tabemos en casa de Llucía pa ver el primer concierto en España de los Smiths en la tele, quedeme solu en la defensa del grupo. A mi ya me gustaba "hand in glove": yo tamien pienso que ye más un grupu de canciones, aunque el "Meat is murder" (LP que convenció a algunos collacios) gústame enteru y dejaron de interesame con el "The queen is dead"...

Anónimo dijo...

Hace unos años me regalaron la biografía de Marilyn Manson. Fue realmente interesante leer la vida y obra del "reverendo". En las páginas centrales viene un manual para saber si en el fondo eres homosexual o no, independientemente de que estés casado, o tengas tres novias. El autotest no engaña a nadie, solo a tí mismo.
Una de las premisas que ponía de claro ejemplo de homosexualidad era que te gustaran los SMITHS. Decía que si te gustagan, en el fondo eras un gay y que salieras del armario ¡pero ya!, que era música de gays.
Mi hermano tiene toda su discografía y ni corto ni perezoso le hice una fotocopia y se la mandé por correo (de aquella no tenía ordenador todavía, comprolu fay un par de meses todavía). No veas la gracia que le hizo saber que en el fondo era homosexual jajaja.

Yo no sé si pa escuchar los Smiths hay que ser homosexual o no. No sé si lo que dice el "reverendo" es verdad o no, ni siquiera en que se basa para afirmarlo. Pero, la verdad, a mí me da igual, no me gustan. jajaja.

Un abrazo a todos y que nadie se sienta ofendido por la anécdota.