Na primer metá de los años noventa, como consecuencia más o menos directa del ésitu internacional de Nirvana, les discográfiques punxéronse a enllenar los sos catálogos con tolo que sonara más o menos heriede de Led Zeppelin, pos si dalgo taba claro naquel resurdir de les guitarres eléctriques nun yera (como güei quier vese) la so vena punk sinón la so querencia hacia’l hard rock de los setenta, non sólo nel planu musical sinón tamién nel visual. Asina atoparon un güecu nel mainstream delles bandes de los circuitos alternativos que, d’otra miente, enxamás nun suañaren con tan alta proyección. Ye’l casu de los Afghan Whigs de Greg Dulli, nel fondu un potente combu de rhythm & blues que venía a sonar como una suma d’Eric Burdon más Thurston Moore. En Gentlemen punxeron un bon puñáu de les sos grandes canciones, ente elles la yá cuasi clásica “Debonair”, amás de muncha muncha testosterona, dalgo que la xeneración X nunca nun-yos perdonó totalmente.
miércoles, 20 de agosto de 2008
Afghan Whigs: "Gentlemen" (1993)
Na primer metá de los años noventa, como consecuencia más o menos directa del ésitu internacional de Nirvana, les discográfiques punxéronse a enllenar los sos catálogos con tolo que sonara más o menos heriede de Led Zeppelin, pos si dalgo taba claro naquel resurdir de les guitarres eléctriques nun yera (como güei quier vese) la so vena punk sinón la so querencia hacia’l hard rock de los setenta, non sólo nel planu musical sinón tamién nel visual. Asina atoparon un güecu nel mainstream delles bandes de los circuitos alternativos que, d’otra miente, enxamás nun suañaren con tan alta proyección. Ye’l casu de los Afghan Whigs de Greg Dulli, nel fondu un potente combu de rhythm & blues que venía a sonar como una suma d’Eric Burdon más Thurston Moore. En Gentlemen punxeron un bon puñáu de les sos grandes canciones, ente elles la yá cuasi clásica “Debonair”, amás de muncha muncha testosterona, dalgo que la xeneración X nunca nun-yos perdonó totalmente.
Suscribirse a:
Enviar comentarios (Atom)
3 comentarios:
Afghan Whigs son grandiosos. Qué dicir de l'actuación dientro del chigre na película Beautiful Girls. Una película de la que solo alcontré una persona a la que-y prestare tanto como a mi :-(
Oye Xandru, nun tienes cuenta en last.fm ho?!
Pos yá alcontrasti otra, a mi encantóme. Amás, ye d'eses películes onde (nel mio casu polo menos) paezte que conoces a tol mundu.
Lo de Last.fm veráse, sí lo pensé, sí, pero'l tiempu, el tiempu...;)
Esa película es buenísima por los Afghan Whigs, por la escena en la que cantan Sweet Caroline todos juntos en el piano.
También ayuda que algunos ya estamos cerca de la edad de los protagonistas y nos identificamos todavía más con la peli
Publicar un comentario