viernes, 4 de julio de 2008
Van por llibre
Si ye como diz la prensa, esos tres van por llibre. Nun representen a naide. Nun condicionen nada. Tampoco nun ayuden nada. Toa esta situación, qu’ensin duldes tien responsables (nun cayó del cielu), ta volviéndose un enguedeyu con una víctima clara: la llingua asturiana. Hailos que se ven cómodos col apartheid llingüísticu y nun ye d’estrañar qu’esos mesmos se comporten como caníbales intelectuales. Los demás, por suerte o por desgracia, somos los que tenemos que midir cada pasu y tar al altor de les circunstancies. Eso nun significa necesariamente combayar colos que nos sieguen la herba embaxo los pies, pero tampoco poné-yoslo en bandexa con actitúes mafioses. Hai una campaña qu’estos díes lleva alantre’l CAO baxo’l lema DOI LA CARA POLA OFICIALIDÁ. Eso ye lo que toca, dar la cara, non escondela detrás d’un trapu.
Suscribirse a:
Enviar comentarios (Atom)
3 comentarios:
Si ye cómo diz la prensa (había que velo) nun fain nengún favor a la llingua. Esto ye precisamente lo que quieren que faigamos. Sicasí, tantos años de represión, tantos abusos dende los poderes públicos y tantes miles de provocaciones fain que dalgunos pierdan un poco los papeles. Nun ye xustificable pero sí entendible. Anque lo que diga'l salvador de la patria y mesíes del decálogu sociata-asturianu, señor Fdz. castro, nun ye pa creer nin la mitá. Otru con ganes de salir na foto y ganar enteros nel clan. Nun defiendo la violencia pero a veces hai que dicir que cuesta aguantar les ganes de dar una patada nos guevos a estos talibanes de la nuesa identidá. Tienen bien apredío'l credo. Delles veces dan ganes de verdá d'emigrar d'esta tierra o de perdese bien lloñe, pero, en fin, ye lo que hai.
http://es.youtube.com/watch?v=RxiEMpcI83E&feature=related
Sí, Melandru, nestos casos siempres ye prudente'l condicional: "si ye como diz la prensa"... Nostante, y precisamente porque lo que'l cuerpu pide nestos casos ye poco sensato, ye polo qu'hai que ser más xuiciosu que davezu. Que depués pasa lo que pasa, y qué más quería'l señor Fernández de Castro que tol protagonismu que ta teniendo.
Y gracies pol enllaz. El gran Rory. Impresionante.
Non: nin xustificable nin entendible. A ver cuándo nos enteramos de qu'esti tipu de coses namás beneficien a los enemigos de la llingua, mesmo Fernández de Castro. Asina puen dicir que somos igual que los batasunos, etc. Si'l casu foi como se cuenta y dependiera de min, esos tres taben espulsaos ipso facto de tolo espulsable.
Nun hai más armes que la democracia, les regles y el diálogu. Y si nun son abondo, a lluchar por cambiales con más democracia, meyores regles y más diálogu. L'otro non, nin pa entendelo como una ofuscación.
Saludos.
JLP
Publicar un comentario