A la lluz del so desenvolvimientu nesta última década, pinta difícil facese una idea de la influyencia y el carisma de Billy Corgan y los sos Smashing Pumpkins a mediaos de los noventa, cuando’l mundu taba cuasimente a los sos pies. La so fama taba nostante xustificada: ente 1991 y 1998, cuatro álbumes de luxu, enllenos de canciones inspiraes, rotundes, críptiques lo xusto, rabioses con midida, melgueres ensin llegar a ser aborrecibles, equidistantes del metal, del dream pop y del college rock. Una fórmula que los convirtió col so segundu álbum, Siamese Dream (1993), na alternativa “intelectual” (pero curiosamente al mesmu tiempu na alternativa tamién más pop) al sufríu rigor suburbanu de Nirvana y Pearl Jam.Mellon Collie And The Infinite Sadness desenrolla ad nauseam un catálogu espresivu yá apuntáu nos precedentes Gish y Siamese Dream: baxo la doble advocación de The Cure y Black Sabbath, Smashing Pumpkins piloten una máquina heavy metal pintada con grafitis oníricos y sopuntiada con arreglos cuando orquestales cuando shoegazer. Munchos de los sos cortes van devenir clásicos: “Zero”, “Bullet With Butterfly Wings” (dambos los dos candidatos a himnu xeneracional), “1979” (precursor del álbum siguiente, l’introspectivu y electrónicu Adore), “Tonight, Tonight”, “Bodies”, o esa celebración de la vida (non tan inesperada como pudiera esperase d’un escritor tan fondamente instaláu na desesperación como Corgan) titulada “Muzzle”. Un álbum wagnerianu como pocos y destináu a brillar ente los xigantes de la década.
4 comentarios:
Que discu tan grande y que banda tan interesante.
Llegué un par d'años tarde a ellos: repunábenme dalgo por afayase tán bien ente'l mainstream -fueron un fenómenu almitíu nel pop, quiciabes pola imaxe/voz de Corgan- pero col tiempu la música ganóme. Y ye que nel fondu siempre fueron una banda épica y fondera antroxada de superficialismu. Anque -y equí esmolezme agüeyar yá un patrón fixu en tolos mios comentarios a esta vuelta al añu en 365 mundos- muchos indies que los sintieron enxamás se decataron d'esa cañamina metálica hasta que foi esplícita nel góticu "Adore" y nel cyber "Machina". A della xente que los siguía dende l'entamu nun-y prestó esa evolución, pero a min paecióme mui coherente. ¿Cómo la visti tu?
Por cierto, qué difícil tien que ser el dexar pa prau otros discos perbonos que salen cada añu... paezme que te va petar llueu dar otru par de vueltines :)
A mi esa evolución nun me chocó un res, y de fechu "Adore" paezme un discu más acertáu (a mi polo menos dizme muncho más) que "Siamese Dream". Hasta "Machina" lu veo coherente ya interesante, anque igual non tan inspiráu na escritura de les canciones. Toi contigo en qu'esa evolución yera esperable (otra cosa ye la "reinvención" de la banda en 2007, que ronca la maera).
Y sí, sí que ye difícil escoyer un discu pa cada añu (según qué añu, claro), pero ye un simple esquema pa decidir qué entrada toca: la meta ye una llista de 365 álbumes, asina que namás acabar esti repasu por orde cronolóxicu, volveré a saltiar los años como al principiu...
Adoré ese disco, la verdad, aunque no he vuelto a oírlo en una década... gracias por el recordatorio.
Bueno lo primero decir que me hace mucha gracia estar comentando que soy fan de los Smashing Pumpkins mientras escucho el face to face de los kinks...
Hasta el Adore no tuve nunca dudas, les calabaces fueron un grupo de pop intenso y recargau que no me llegó a estomagar del todo nunca. Tampoco volví a frecuentar este género demasiado porque con el tiempu preferí les coses piquiñines a les Next Big Things.
A mi Siamese Dream siempre me flipó con esos temas tan barrocos que giran y giran buscando un centro de gravedad donde quedase paraos...seguro que influye en que me guste tanto lo ignorante que era (bueno entonces y ahora) en aquella época musicalmente. No sabía quienes eran King Crimson ni Black Sabath (Paranoid otro de mis discos favoritos).
Mellon Collie es precioso desde la portada (me llama la atención que ninguno hayais hablado de ello) y el vídeo imitando a melies cojonudo también.
Corgan la acabó jodiendo porque se lo tomó todo demasiado en serio...de todas formas aunque esto es más un gulty pleasure que otra cosa siempre me molarán zwan grupo hortera donde los hubiese al que había que haberle dado más recorrido.
Publicar un comentario