Laibach son un colectivu eslovenu, enmarcáu nel NSK (Nuevu Arte Eslovenu), que dende 1980 practica un tipu d’intervención basada en romper la distancia col discursu del poder, acullá de la ironía, esplorando los mecanismos de la identificación y esplotando la parafernalia nacionalista hasta les sos últimes consecuencies. Acordies col so manifiestu, parten de la base de que falar en términos políticos significa reconocer la omnipresencia de lo político, tamién nos grandes ésitos de la FM y na maquinaria comercial de la cultura pop. Musicalmente asimilables al industrial, xueguen colos símbolos de la identidá nacional hasta’l puntu d’asoleyar un álbum, Volk, basáu nos himnos nacionales d’estremaos Estaos, incluyíu’l propiu NSK, que se declaró Estáu independiente (con embaxaes y pasaporte propiu) nos años del esgayamientu de Yugoslavia. Los sos más famosos siguidores, los alemanes Rammstein, esportarán la tendencia.lunes, 24 de marzo de 2008
Laibach
Laibach son un colectivu eslovenu, enmarcáu nel NSK (Nuevu Arte Eslovenu), que dende 1980 practica un tipu d’intervención basada en romper la distancia col discursu del poder, acullá de la ironía, esplorando los mecanismos de la identificación y esplotando la parafernalia nacionalista hasta les sos últimes consecuencies. Acordies col so manifiestu, parten de la base de que falar en términos políticos significa reconocer la omnipresencia de lo político, tamién nos grandes ésitos de la FM y na maquinaria comercial de la cultura pop. Musicalmente asimilables al industrial, xueguen colos símbolos de la identidá nacional hasta’l puntu d’asoleyar un álbum, Volk, basáu nos himnos nacionales d’estremaos Estaos, incluyíu’l propiu NSK, que se declaró Estáu independiente (con embaxaes y pasaporte propiu) nos años del esgayamientu de Yugoslavia. Los sos más famosos siguidores, los alemanes Rammstein, esportarán la tendencia.
Suscribirse a:
Enviar comentarios (Atom)
3 comentarios:
Sorprende, y presta, ver qu'hai dalguién ehí que tamién conoz a estos llocos de Laibach. La so propuesta ye provocadora -nel más ampliu sentíu- d'actitudes y sentimientos. Nun-yos importa xugar cola estética militarista, futurista, totalitarista y a vegaes dafechamente Nazi y supremacista racial (nun hai más que ver los sos videos "Life is Life" o "Tanz mit Laibach", o los sos paseos antroxaos de les SS pel centru Moscú, o "el fantasma de la ETA" en Volk) pa facer saltar les alarmes mentales. Ye eso lo que presta d'ellos, ye una música que ta siempre nel filu la navaya... qu'algama asina oxetivos artísticos ya idiolóxicos más fonderos que les abondes formaciones con claru envís políticu que xorrecen perhí (pero que nun tienen picardía dala). D'ehí deprendieron enforma Rammstein, amás de la fondera influyencia musical, que tamién -como bien dices- rescampla.
Vilos en direuto en Madrid hai un par d'años, y nun dexo de reflesionar qu'una banda asina n'Asturies respingaría munchos llombos de tolos colores y fadría cayer embaxo munches muries musicales y estétiques... pero a ver quién ye'l guapu que s'atreve...
... Y norabona pol blogue, Xandru.
Ehí van los videos:
1 - Life is Life
2 - Das Spiel ist Aus
3 - Tan mit Laibach (en direuto)
Más d'ún diba flipar, Ferre, ye verdá. Y gracies polos vídeos.
Publicar un comentario