Por munchos cambios de significáu qu’atravesara, la espresión “heavy metal” queda acutada dende la primer metá de los años ochenta pa referise a un puñáu de bandes qu’orixinariamente fueren catalogaes de vanguardistes. De fechu, la primer etiqueta que se-yos punxo foi NWOBHM (New Wave Of British Heavy Metal), pa remarcar hasta qué puntu yeren diferentes de lo que nos años setenta se tenía por heavy metal (Deep Purple, Led Zeppelin, Aerosmith o Blue Öyster Cult). A partir d’ehí, la evolución del espectru hard rock pierde lo de “heavy” y empieza a ser “metal” a seques (almitiendo variaciones: black metal, speed metal, death metal, y asina ad nauseam).La NWOBHM enxertó nel hard rock lo que podríemos llamar la consciencia del non retornu: depués del punk, el llinguax yá nun podía ser el mesmu. Asina suel ser depués de cada españíu integrista: o s’afonda nel integrismu, o se lu combate dende una contrarrevuelta barroca. Esta última ye la opción que representa la NWOBHM: restauración melódica, insistencia nel virtuosismu, denuncia del punk como disidencia ruidista. Nostante, igual que la Compañía de Xesús quedó marcada pola sutil influyencia de la Reforma que pretendía lliquidar, asina’l heavy metal queda inevitablemente tocáu pola iconoclastia punk. Nun hai inxenuidá na NWOBHM, y los fastos del xigantismu instrumental entiéndense equí ensin nenguna connotación camp. L’almósfera siniestra del cambiu de década ayudó a cimentar un fenómenu cuasi kitsch inevitablemente emparentáu con otres propuestes cercanes nel cultu a la escuridá como les de Bauhaus, The Cure o Siouxsie & The Banshees: cualquier restu de servidume hippie quedó barríu de la nueva tendencia capitaneada por Diamond Head, Saxon y Iron Maiden.
La popularidá d’Iron Maiden nun ta reñida con la sorprendente displicencia, por nun dicir l’olímpicu despreciu, con que se los trata en dellos ámbitos de la crítica musical. L’histrionismu y la teatralidá glam que siempres impunxeron nes sos producciones, dende les cubiertes de los discos hasta la puesta n’escena de los sos conciertos, paez que los vacunara contra la seriedá (anque non más qu’a otres bandes perfectamente asimilaes pol sistema críticu-apoloxéticu de los media). Too ello nun quita pa qu’Iron Maiden seya una de les bandes de rock más importantes de tolos tiempos. The Number Of The Beast ye’l so álbum canónicu, onde se dan cita toles notes distintives d’una estética de grandes dimensiones, de pesos fabulosos y estructures cencielles pero firmes. Nueve espectaculares canciones, ente elles “The Prisoner”, “Run To The Hills”, “Hallowed Be Thy Name” y, por descontao, la que da títulu al álbum, oxetu d’espuries controversies sobre satanismu.
3 comentarios:
No diga HEAVY METAL, diga THE NUMBER OF THE BEAST. El mejor disco de la historia. Un manual de como tiene que ser el HEAVY METAL.
Hay un antes y después de este disco. La inmensa mayoría de los músicos metaleros que salieron luego vinieron marcados por THE NUMBER OF THE BEAST. Aunque algunos acabaran con los pelos grasos haciendo el asqueroso grunge, o con la cara pintada tocando black, o corriendo como posesos mástil arriba y mástil abajo para tocar thrash, aunque se pongan careta y una funda de trabajo, aunque metan partes rapeadas.
RUN TO THE HILLS es el single de los singles, HALLOWED BE THY NAME será siempre mi favorita, y un concierto de IRON MAIDEN nunca será lo mismo sin THE NUMBER OF THE BEAST.
Aunque en su dia me disgustó la salida de DIANNO (yo los conocí con KILLERS), hubo que reconocer que con BRUCE DICKINSON el grupo tomaba el trono y hasta hoy nadie se lo ha podido quitar.
En casa hay varias ediciones de este disco, no podía ser menos.
En vinilo la edición inglesa, la original, y la valiosa edición española, con títulos en castellano, y figurando en portada EL NUMERO DE LA BESTIA.
Luego llegó el cd, y ahí tengo la edición primera, la doble que salió en los 90 con un cd extra, y la remasterizada. También tengo la edición rusa. Los singles, en diferentes ediciones, son incontables.
El disco de los discos. El disco de HEAVY METAL. Como decíamos en ESCLAVOS DE LAS CUERDAS, en RADIO TURON, va la friolera de más de 20 años; HEAVY METAL, EL ROCK UNICO Y VERDADERO.
Nun esperaba menos de ti, Larry. Up the Irons.
Bona reseña, tenía yo ganes de que-yos entrares a los Maiden. Ensin Di Anno y col operísticu Dickinson esti discu emprima la etapa "épica" de los Irons (dende'l Number al Seventh Son), pero nél tovía queda dalgo de la enerxía punk de los dos primeros -que la teníen y a manta- en cantares como Gangland, Invaders, 22 Acacia Avenue. Nun son de los que más s'alcuerda la xente nin son los qu'apaecen nes esbilles de los sos cantares pero, pa tolos que tuvimos daquella'l vinilu na mano (como lu llamaba mio güela... siempre dicía "quita'l santón esi") tienen un tastu especial, a toa una dómina. A sorrayar el temazu "Children of the Dammed" y el trabayu d'esi virtuosu del baxu que ye Steve Harris.
Maiden ye entender el heavy metal como de verdá lu hai qu'entender, ye trayer al rock y a la música popular del sieglu XX muncho de les actitudes musicales de los clásicos y románticos dle XVIII y el XIX, da-y un tratamientu cultu al sentimientu punk, un finxu nel usu de los instrumentos y la composición nuna banda rock y ensin el heavy metal -poro, ensin Maiden- nun se pue pescanciar un res de la historia'l rock. L'estudiosu que, por snobismu indie o inorancia, refugue d'averase al estilu, tará tapeciendo unu de los caminos más valoratibles de la cultura pop de les últimes tres décades.
Gustáme muncho 'Piece of Mind', pero pa mi el so cumal ye'l so discu conceutual ensin conceutu, wagnerianu y místicu, del 88: Seventh Son of a Seventh Son
Publicar un comentario