Acabante nacer, caliente entá como un pan recién salíu del fornu: Entierros de xente famoso ye, por fin, un llibru fechu y derechu, con cantu y solapes, con páxines que pasar y que lleer, y con tolos riesgos del mundu per delantre, sobre too pal autor, al que nun-y queda yá otro qu’esperar y observar impotente la fortuna, poca o muncha, del fíu. Dientro de nada andará yá peles llibreríes.Son diez relatos, pero a la postre son doce, si contamos les dos versiones micro que van incluyíes nel prólogu. El más vieyu, “Señales del cielu”, ye del añu 2002, y hai otru, “Los supervivientes”, sólo un poco más mozu, pero tolos demás son bien nuevos y da un poco de perceguera echalos pel mundu p’alantre cuando tovía nun tienen edá p’andar solos. Toi, nostante, arguyosu d’ellos: devolviéronme la calor a los deos y destrancaron unes arteries qu’amenazaben con provocar cualquier día un cataclismu.
3 comentarios:
el libro como libro (del libro como texto todavía no puedo decir nada, sólo leí las micro) es, desde luego, un objeto hermoso y muy apetecible. Enhorabuena, de momento, por eso.
Por cierto, ¿"Señales del cielo" estaba (traducido) en "país cerrado" o me falla definitivamente la memoria?
Un abrazo, padrazo.
Cierto, nun te falla. "País cerrado" yera una antoloxía de dos llibros de cuentos anteriores, "Del llaberintu al trenta" y "Les cuentes de l'alma". Incluyí "Señales del cielu", que yera inéditu, porque reflexaba meyor la llinia que m'apetecía siguir como narrador pa en delantre. Esi yera'l principiu, y esti llibru d'agora, la meta.
Y gracies, y otru abrazu.
Diba decite lo mesmo qu´Ismael -una y buena comprobé que sí taba en "País cerrado", jeje-
Ganes, munches ganes de tenelu na mesita...
Publicar un comentario