Nin siquiera la proyección posterior de dos de los sos componentes, Stephen Stills y Neil Young, ye motivu pa infravalorar la influyencia y l’ésitu de Buffalo Springfield nel contextu de la psicodelia californiana. Ye precisamente’l carís que van garrar dambes carreres lo que yá s’apunta nel segundu álbum del grupu (como tamién les maneres d’otru de los sos miembros, Richie Furay, fundador años más tarde de Poco, una de les bandes más reconocibles del country-rock). Dende’l tonu incisivu, críticu col naciente star system del rock, qu’esibe Young en “Mr. Soul” (apoyándose nel conocíu riff de los Rolling Stones en “Satisfaction”, como volverá facer esplícitamente con “Lady Jane” en “Borrowed Tune”, en pasando dellos años) asina como en “Broken Arrow”, alfa y omega del discu, hasta l’esperimentalismu de Stephen Stills colos arreglos en “Bluebird” y “Hung Upside Down” y del propiu Young en “Expecting To Fly”, pasando pela primer collaboración de Stills con David Crosby, “Rock & Roll Woman” (dedicada a Grace Slick, de Jefferson Airplane), onde yá se ve’l guañu de lo que va ser Crosby, Stills, Nash & Young: el resultáu ye un trabayu d’equipu más qu’una suma d’individualidaes, un fuxidizu equilibriu dientro d’una curtia carrera enllena de conflictos y ambiciones personales.
jueves, 6 de noviembre de 2008
Buffalo Springfield: "Buffalo Springfield Again" (1967)
Nin siquiera la proyección posterior de dos de los sos componentes, Stephen Stills y Neil Young, ye motivu pa infravalorar la influyencia y l’ésitu de Buffalo Springfield nel contextu de la psicodelia californiana. Ye precisamente’l carís que van garrar dambes carreres lo que yá s’apunta nel segundu álbum del grupu (como tamién les maneres d’otru de los sos miembros, Richie Furay, fundador años más tarde de Poco, una de les bandes más reconocibles del country-rock). Dende’l tonu incisivu, críticu col naciente star system del rock, qu’esibe Young en “Mr. Soul” (apoyándose nel conocíu riff de los Rolling Stones en “Satisfaction”, como volverá facer esplícitamente con “Lady Jane” en “Borrowed Tune”, en pasando dellos años) asina como en “Broken Arrow”, alfa y omega del discu, hasta l’esperimentalismu de Stephen Stills colos arreglos en “Bluebird” y “Hung Upside Down” y del propiu Young en “Expecting To Fly”, pasando pela primer collaboración de Stills con David Crosby, “Rock & Roll Woman” (dedicada a Grace Slick, de Jefferson Airplane), onde yá se ve’l guañu de lo que va ser Crosby, Stills, Nash & Young: el resultáu ye un trabayu d’equipu más qu’una suma d’individualidaes, un fuxidizu equilibriu dientro d’una curtia carrera enllena de conflictos y ambiciones personales.
Suscribirse a:
Enviar comentarios (Atom)
2 comentarios:
Cuando sal el nome de B. Springfield tol mundu fala, evidentemente, de Furay, Stills and Young y nada d'un personaxe nomáu Bruce Palmer qu'aprte d ser el baxista n'esta banda tamién yera guitarrista. De fechu sacó un discu preciosu en 1971 tituláu, mira tú les coses, "The cycle is complete". Si llees dalguna biografía de N.Young verás B. Palmer vino con él dende Canadá hasta L.A. nun coche fúnebre que compraron de segunda mano. Llueu foi cdo toparon con S. Stills y demás tribú folk-sicodélica. Foi hasta deportáu por posesión de drogues y si nun fora pk nun yera eminentemente compositor, podía comparase al gran Skip Spence o hasta con Syd Barrett...
"The Cycle Is Complete" ye un discu impresionante, toi d'alcuerdu. Un apuntue "ochenteru": la "voz invitada" nel discu de Palmer ye la de Rick James, que nos años ochenta diba ser un superventes con un tema tituláu "Super Freak". Son coincidencies curioses, porque "Super Freak" y "The Cycle Is Complete" paécense tanto como'l güevu y la castaña.
Publicar un comentario